زهريات الحبايب

/
بقاموس قلبي تره بس اسمك انت ورد
والعطش ماهمني كلت الكه عدكم ورد
حسبالي انت الي وطشيت عمري ورد

ثاريك ابد ماتحب لن مسألت عني
ولاهمك انت الجره وشنهو سبب عني
مدامك انت الكلت روح ابتعد عني
رايح انه للأبد لضن احنن ورد

ياماخذ الروح ردها الخاطري ردهــه

ومن يوم هدت زلم چفي الك ردهه

ومن صابك انت المرض گلبي فتح ردهه

ومستشفى كلي صرت ومنك ردتلي اجناح

كسّرت جنحي وطرت هم تنكسر يجناح

بياذنب تحكم عليّ يامتــــــــــهم يجناح

كيديه تالي اصبحت والقاضي الي ردهه

صرح المحبه انبنه بس عفته اني....شُهر
امنته سر العمر وبسري ذاع و.......شهر
وماطول بعشرته يادوب شفته.....شهر
وانه الچنت ساعده واتمنى خدمه...اسد
ولو ادري طبعه غدر ابواب گلبي....اسد
اعزل اجيته وخفت وهوه گدامي...اسد
وياهو اليجابه اسد لو حتى سيفه شهر

يارب يعجبكم
[flash=http://www.hello-iraq.comup/up/272